وقت کی اہمیت – Time Management

اس آیت کریمہ میں فرمایا جا رہا ہے کہ

جب نافرمان لوگ جہنم کے حوالے کر دئے جائیں گے تو وہ جہنم میں چیخ پکار کریں گے کہیں گے اے ہمارے رب عزوجل ہمیں دنیا میں بھیج دے اب ہم تیری عبادت کریں گے تیری نا فرمانی نہیں کریں گے۔ بارگاہِ خدا وندی سے خطاب ہوگا کہ کیا ہم نے تم کو دنیا میں اتنی عمر نہیں دی تھی کہ جس میں تم نصیحت حاصل کر لیتے حالانکہ تمہارے پاس ڈرانے کیلئے میرے انبیاء و رُسل تشریف لائے تمہیں تنبیہ فرماتے رہے انبیاء علیہم الصلوۃ والسلام اور ان کے وارث علماء کرام تمہیں مسلسل جھنجھوڑتے رہے اور تمہیں خوابِ غفلت سے بیدار کرتے رہے اور آکر کہتے رہے کہ خدارا اِ س وقت کو نیک کام میں لگا لو۔

عَنِ ابْنِ مَسْعُوْدٍ قَالَ: تَلَا رَسُوْلُ اللهِ ﷺ: فَمَنْ يُّرِدِ اللهُ اَنْ يَهْدِيَهٗ يَشْرَحْ صَدْرَهٗ لِلْاِسْلَامِ

سورۃ الأنعام آیت نمبر ١٢٥

فَقَالَ رَسُوْلُ اللهِ ﷺ:  اِنَّ النُّوْرَ اِذَا دَخَلَ الصَّدْرَ اِنْفَسَحَ.  فَقِيْلَ: يَا رَسُوْلَ اللهِﷺ، هَلْ لِذٰلِكَ مِنْ عِلْمٍ يَعْرَفُ؟ قَالَ: نَعَمْ، التَّجَافِيُ عَنْ دَارِ الْغُرُوْرِ، وَالْاِنَابَةُ اِلٰى دَارِ الْخُلُوْدِ، وَالْاِسْتِعْدَادُ لِلْمَوْتِ قَبْلَ نُزُوْلِهٖ

شعب الايمان حديث نمبر ١٠٠٨٦

روایت ہے حضرت ابن مسعود رضی اللہ تعالیٰ عنہ سے کہ رسول اللہ ﷺ نے یہ آیت تلاوت فرمائی کہ اللہ تعالیٰ جس کی ہدایت کا ارادہ فرماتا ہے اس کا سینہ اسلام کیلئے کھول دیتا ہے تو رسول اللہ ﷺ نے فرمایا کہ نور جب سینہ میں داخل ہوتا ہے تو سینہ کھل جاتا ہے۔ تو عرض کی گئی کہ یا رسول اللہ ﷺ کیا اس کی کوئی نشانی ہے جس سے یہ نور پہچانا جائے؟ فرمایا ہاں، دھوکہ کی جگہ سے دور رہنا، دائمی گھر کی طرف رجوع کرنا اور موت کی طرف رجوع کرنا اور موت آنے سے پہلے اس کی تیاری کرنا۔